fostad.net

Eg har nett skaffa meg del.icio.us-konto. Her kjem eg til å leggje ut linkar til bra ting eg kjem over på nett, som eg synest fleire burde lese. Det gjeld dei som ligg der no òg, verkeleg.

Tags: Kvardagstankar av Mads
No Comments »

Aps forsvarspolitiske talskvinne Signe Øye er mykje i media for tida, no seinest i samband med at Noreg vurderar å sende norske soldatar til ein FN-operasjon på Haiti.

Eg er usikker på korvidt å sende soldatar er det beste for situasjonen på Haiti, men eg vert framleis fascinert over korleis Øye argumenterar. Til dømes bør nokon fortelje ho at ein faktisk har fleirtal, og at ein ikkje treng å vere einig med opposisjonen i einkvar sak. «Vi skal være forsiktige med å trumfe gjennom en sak som hele opposisjonen er mot», seier ho til Aftenposten. Ein kan ikkje drive politikk dersom ein ikkje er samd med dei ein oftast er usamd med, altså.

Ærleg tala, er du redd for å vere ueinig med folk, bør du ikkje verte politikar.

Øye meiner «ressurssituasjonen i det norske Forsvaret og Haiti-operasjonens karakter» gjer at vi bør halde oss unna. Kor var du då vi fant ut vi skulle sende soldatar til angrepskrigen i Afghanistan, Øye? Kvifor skal vi sende soldatar i NATO-regi, men ikkje med FN? Kva med ressursbruken der, den er jo «rimeleg høg», om eg får seie det sjølv? Og kvifor i all verda er angrepskrig av betre karakter enn å skulle fungera som eit slags politi? Kor er retorikken om å «stø våre allierte» no?

Og det er denne saka ho synest er «vanskeleg».

Tags: Politikk av Mads
No Comments »

Scars on Broadway, sideprosjektet åt Daron og John frå System of a Down, har nett sluppi sin fyrste singel, They say. Høyr songen hjå lenka eg viste over.

Og dette er jo rett og slett dritkult! Minnar mykje om SoaD på Hypnotize, og det er det jo umuleg å ikkje like.. Teksten er òg knall.

Albumet skal visst kome i sommer ein gong, eg gler meg.

Tags: Musikk av Mads
No Comments »

Dette er rett og slett ei oppfordring til alle de som les dette:

Iskwew skreiv i fjor ein post som fekk tittelen “Seksualisering av jenter: mediepress og konsekvenser”, som alle rett og slett bør lese. Punktum.

Tags: Politikk av Mads
1 Comment »

I denne posten vil eg rett og slett nytta høvet til å invitere alle de av dykk lesarar som følar de høyrar til venstresida, miljørørsla, fagrørsla, feminismen eller andre bra sakar til SV sin konferanse Verden til venstre 2.-4. mai, i Oslo.

Programmet ser sjukt bra ut, og eg trur det kan verte skikkeleg spennande.

Tags: Politikk av Mads
2 Comments »

(Ein litt forkorta utgåve av denne er på trykk i Aftenposten i desse dagar)

NRK annonserte for ein dryg månad sidan at dei kuttar ut sin eigen økonomiske journalistikk, og heller vel å kjøpe denne frå Dagens Næringsliv.

Det er liten tvil om at DN har mange av Noregs beste journalistar, særleg innan økonomifeltet, men eg synast likevel det er ille. Dette vert mykje det same som om dei skulle overlate den politiske journalistikken til Klassekampen – som òg er ei knallbra avis med flinke folk. På same måte som Klassekampen er “venstresidas dagsavis”, er nemleg DN erklærte marknadsliberalistar. Wikipedia seier det slik:

Dagens Næringsliv har en klar politisk profil. Den forsvarer som oftest markedsøkonomiske fremfor politiske løsninger, og kan karakteriseres som liberalistisk. På lederplass har den flere ganger oppfordret sine lesere om å stemme Høyre.

Økonomi har hjå mange og på mange felt vorti sett på som “upolitisk”, som om det ikkje er politisk i det heile. Dette skiljet mellom økonomi og dei andre politiske felta er feil, falskt og fordummande. Ærleg tala, den største og viktigaste forskjellen mellom SV og Frp er synet på det økonomiske systemet.

Med det i minnet synest eg det er synd at NRK heng seg på denne trenden. Statskringskastinga skal jo i vere rimeleg uavhengig og nøytral, og produsera nyhende som ikkje stør bestemde aktørar eller retningar. Dette tek dei no eit langt og alvorleg steg vekkifrå. Diverre.

Tags: Politikk av Mads
No Comments »