Entries Tagged as ''

Raud musikk

Det finst mykje fin raud musikk der ute. Gina lista opp ein god del for ei stund sida, og eg vil leggje til litt.

  • Hoola Bandoola Band - På väg, En kungens man, Sång till friheten
  • Hoola Bandoola Band - Keops pyramid (!!!)
  • Mykje meir Ebba, mykje meir Vømmøl
  • Nina Rochelle - hele Om Sverige vill ha det så
  • Bandiera rossa
  • Samvirkelagets “Musikk”-album, i sin heilskap
  • Halvdan Sivertsen - Kjærlighetsvisa
  • Bjarne Brøndbo - Til ungdommen (det suverent beste Bjarne Brøndbo nokon gong har gjort)
  • Anti-Flag - Mind the G.A.T.T. (og eigentleg det meste dei har lagd)
  • The Clash - Washington Bullets
  • Arbeidslaget hass Konrad Vømmølbakken - absolutt alt, men kanskje særleg Mekaelsen, Ingemar Oppstuens kampsang, Inspektør Øverland, Velger du ein klasse å kjempe for.
  • Heimevernslaget - Hegra festning, Forra, Brevet fra barrikaden
  • System of a Down - Boom!
  • Dia Psalma - Atomvinternatt
  • Masse Gatas. Naturkraft, Fram kamerater, F.E.M.I.N.I.S.T. osv
  • Trygve Hoff - Aldri mer Hiroshima
  • Ein god dose Karpe Diem, til dømes Gull og glitter
  • Lillebjørn Nilsen - Revolusjonens røst
  • I desse dagar med Frp på over 25%: Serj Tankian - The Unthinking Majority.

Då burde de ha ein del å kose dykk med. Eg vil og, totalt uhøyrd, rå til Gallerys Sarin and Airplanes.

Nokon med betre logisk sans enn meg:

Kan de forklare meg korleis ein kan få seg til å seie ting som at

– Nei. Verneplikt for jenter er en dårlig idé fordi militærtjeneste bør være frivillig. Men de bør bli spurt. Det er greit at det ikke er frivillig for menn.

eller

– Det bør være opp til jentene selv å velge, og de kan sikkert gjøre en like god jobb. Det er greit at det er obligatorisk for gutter.

?

“Eg vil ikkje at jenter skal bli tvungne inn i militæret, men det er greitt at gutar må”. Korleis kan ein eigentleg rettferdiggjere eit slikt syn? Kva er det som får folk til å seie så til de grader mot seg sjølv? Kvifor i all verda skal me akseptera slik forskjellshandsaming?

Eg veit godt at mange gutar slepp Forsvaret, meg sjølv inkludert. Eg veit det.

Men kvifor i svarte #”¤ skal det rettferdiggjera direkte skilnadshandsaming?

Eksamen

Eg har eksamen i morgon, på mandag og på onsdag. Difor vert det lite skriving her for tida…

Java på Fedora

Eg har den seinaste veka nytta Fedora som operativsystem, og er særs godt nøgd med det. Det har eg vore fram til no, bortsett frå ein viktig ting: mangelen på Java. Java treng ein mellom anna til å nytte nettbank og sånt. Eg har prøvd fleire guidar, men ingen av dei har hjulpe noko særleg.

Men no for ein halvtime sidan fann eg denne: http://fedorasolved.org/browser-solutions/java-i386. Og vips, så funkar det. Hurra.

No slit eg berre med eit lite problem med “daude tastar” - `^´ osv. Det er ikkje noko stort problem, berre litt irriterande. Skal sjå om eg ikkje får fiksa det og - men det vert seinare.

Hurra for fungerande Java, altså.